قصيدة عن زعيم آسيا

[ابو فرحان الرباعي]

السلام عليكم ورحمة الله وبركاته
هذه قصيدة عن زعيم آسيا وزعيم البطولات نادي الهلال

يهلال ماخليت وصف نقوله
ولاعاد باقي مدح ينقال يهلال
يابدر عالي بالسما من يطوله
بدر اكتملت ابليلة مابهااخيال
في ظرف عام نلت سابع بطولة
اكبر بطولة نلت والعد مازال
كأس العرب ثم آسيا من ينوله
غير الزعيم اللي بالأمجاد يختال
كل النوادي وقعوا واختموله
إنه زعيم مابها شك واجدال
واصبح سفير للعرب صفقوله
زعيم ترجم مايقوله بالافعال
كمبيوتر اليابان ضاعت احلوله
قال البطولة مالها اليوم مدخال
قال إلشيمزو صعبة منت حوله
تبي زعيم للبطولات مدهال
تبي الزعيم اللي عرفنا إفعوله
للمجد والتاريخ قادوه الأبطال
منجم إنجوم ولعب فن برجوله
من شجعه ينسى الغثى وضيقة البال
نواف قول اللي سبقنا إبقوله
جلمود صخر حطه السيل من عال
ستاد الفهد كالموج وسطه وحوله
مد البحر لاقام يصفق على الجال
سبعين الف وقفوا واهتفوله
في صوت عالي صاحوا هلال يهلال
وعاشو إرجال بالمحافل وفوله
رئيس واعضاء تبذل الجهد والمال للشاعر / فهد بن عقيل الطويان

مع تمنياتي لكم باتوفيق

مع تحيات ابو فرحان الرباعي

[صقر العوين]

يستاهل.زعيم نصف الكرة الأرضية.. .زعيم آسيا

صح لسانك ولسان قايلها

[عبدالله الرباعي]

صح لسانك ولسان قايلها ويستاهل الزعيم اكثر من كذا
http://www.b7bo.com/uploads/5792ed62ce.bmp (http://www.b7bo.com)



.

[ابو فيصل الرباعي]

صح لسانك ولسان اللي قايلها


انا هلالي وراسي عالي


وانا عنزي وراسي عالي من اهل عرعر

[ساجر المرشد]

ودي اسأل عبدالله الرباعي ليش انت حاقد على النصر والاتحاد بالذات


وش سووا فيكم يكفي ان ناديكم ( الازيرق ) تأسس بعد العالمي والعميد


وصدقني بطولاتكم اللي فرحانين فيها (( جبتوا بخشم الريال ))

الريال = عملة المملكة العربية السعودية وليس نادي ريال مدريد بس توضيح للهلاليين .

[سلمان علي]

لا شك بان الممدوح يستحق المدح(ههههههه غسان على غفله)

[رباعى وافتخر بطباعى]

الاخ ابو فرحان سلمت يداك على النقل الرائع

وصح لسان الشاعر الطويان

يستاهل الهلال لقبوه الزعيم اسم على مسمى

[هلالي صميم]

صح لسانك وصح لسان قايلها

ما فيه شك يستاهل زعيم نصف الارض


تحياتي وتقبل مروري

[ابو فرحان الرباعي]

اشكركم على مروركم العطر