مشاركه شعريه

[خلف الروج]

اذاالمراجل لبسة شمـاغ وعقـال

ماعاد يفرق زول حرمة ورجـال
دام الفعايل تشبه البعـض دايـم
المرجلة ماهيـب كلمـة وتنقـال
وتروح ماراحت هبوب النسايم

ولا خشونة صوت اورفع الاثقـال
او رزة صدور وفعل الزلايـم

ولاهي بعد مفتاح موتـر وجـوال
والا ردى لسانن حديثة شتايـم

المرجلة شيمه عن القيـل والقـال
رفيع نفسن حـر باجـو حايـم

المرجلة عقل وزن وزنـه جبـال
ودون العقل وش فرقنا والبهايم

يامسندي لومايل الوقت بـي مـال
ياولد أبويـه ياعظيـم العزايـم

يامعرب الجدين من العـم والخـال
يانخوة المفزوع وقت الهزايـم

المرجلة ياخوي هي طولـة البـال
هي العزم هي الصبر فالظلايـم

فيها الكـرم عـزة دلـه وفنجـال
فيهاالكرامه عن ردى الطبع شايم

[][~ أمجد ~][]

صح لسانك يا خلف ..

المرجلة ياخوي هي طولـة البـال
هي العزم هي الصبر فالظلايـم

فيها الكـرم عـزة دلـه وفنجـال
فيهاالكرامه عن ردى الطبع شايم

[المارق]

صح لسانك

[خلف المثقال]

اختيار جميل جدا

ذائقة عالية

شكرا خلف الروج

[أنـور الرباع]

صح لسانك ولا هنت

[فرحان المفلح]

صح لسانك

شعر راقي جدا

[صقر العوين]

ولاهي بعد مفتاح موتـر وجـوال
والا ردى لسانن حديثة شتايـم

المرجلة شيمه عن القيـل والقـال
رفيع نفسن حـر باجـو حايـم





صح لسانك

[خلف الروج]

يعطيكم العافيه وشكرا ياشباب الرباع